Gazetari Artan Hoxha ka treguar detaje të forta në lidhje me krimin e organizuar në vend dhe mënyrën si ai funksionon. Në emisionin Të paekspozuarit, Hoxha tha se Fieri është vendi ku bëhet shkolla për krimin e organizuar. Aty loja që luhet është më e fortë, por pa atentate dhe vrasje. Kjo ka ndodhur për arsyen se që në fillim aty janë vënë balanca që janë respektuar. Hoxha zbuloi se grupet kriminale të Fierit kanë kontakte me grupet në Amerikën Latine dhe shumica e ngarkesave me kokainë që vjen nga jashtë, ka destinacion kompani me vendndodhje në Fier. Madje, një nga këto organizata ka kompani legale që marrin pjesë në tendera publikë.
“Fieri është vendi ku bëhet shkolla për krimin e organizuar. Aty luhet loja më e fortë, por nuk ka vrasje, nuk ka atentate. Kjo, pasi aty ka balanca që janë vënë që në fillim dhe janë ruajtur e janë respektuar. Aty janë grupe kriminale të rafinuara. Kanë drejtpërdrejt kontakte me grupet në Amerikën Latine. Shumica e ngarkesave me kokainë që vjen nga jashtë ka për destinacion kompani me vendndodhje në Fier. Ata janë biznesmenë. Një prej organizatave ka të paktën tre ose katër kompani legale, që funksionon legalisht dhe merr pjesë në tendera publikë“, ka treguar Hoxha.
