Grupi i 30 mjekëve shqiptarë, të cilët shkuan në Itali 1 muaj më parë, e ka mbyllur misionin në mënyrën më të keqe.
Ata ishin duke festuar me muzikë dhe alkool në dhomën e hotelit në Brescia, por janë denoncuar nga pronari.
Menjëherë në hotelin ku po festonin shqiptarët ka mbërritur policia, e cila i ka gjobitur me 500 euro, për tejkalim të numrit të personave në dhomë.
Gjithashtu dy prej tyre janë paditur për rezistencë ndaj forcave të rendit.
Policia ndërkohë ka nisur një hetim për rastin dhe pritet të japë më shumë detaje.
Në lidhje me ngjarjen ka reaguar edhe këshilltari i partisë Fratelli d’Italia, Gianpaolo Natali.
Ky i fundit ka kërkuar që të hidhet dritë mbi rastin në fjalë, ndërsa kërkoi që ngjarja të diskutohet edhe në parlament.
“Nuk dua të vë në diskutim meritat e policisë, por këtra njerëz erdhën në Itali pas urdhërit të kryeministrit të tyre, për të na ndihmuar në një prej momenteve më të errëta, me spitalet të mbushur plot me të prekur nga COVID-19. Tashmë do të kthehen në Shqipëri me denoncime dhe një gjobë prej 500 eurosh. Duam të kuptojmë se çfarë ka nodhur në të vërtetë gjatë natës në hotel dhe nëse agjentët që ndërhynë duhet të mbajnë përgjegjësi. Do të kërkojmë që rasti të diskutohet në parlament”, tha Natali.
