Gjatë 48 orëve të fundit, përmes pikës së kalimit kufitar të Kapshticës kanë hyrë më shumë se 10.000 emigrantë shqiptarë që jetojnë dhe punojnë në Greqi. Shumica e tyre po përfitojnë nga ditët e pushimit për të festuar Pashkën me familjet e tyre në atdhe.
Në Kapshticë, kalimi bëhet në gjashtë sportele për hyrje, ndërsa edhe në pikën e kalimit kufitar të Kristapologjisë është duke u operuar me të njëjtin numër sportelesh. Fluksi është i lartë, por pa shkaktuar radhë të gjata.
Policia kufitare shqiptare ka kordinuar veprimet me homologët grekë për të menaxhuar fluksin, duke mundësuar kalimin më të shpejtë të emigrantëve që kanë dokumente greke.
