Fatos Baxhaku bëhet qytetar nderi i Elbasanit, flet e bija: E donte shumë këtë qytet

Google+ Pinterest LinkedIn Tumblr +

Bashkia e Elbasanit ka nderuar me titullin “Qytetar Nderi”, gazetarin dhe publicistin e famshëm, Fatos Baxhaku.

Të pranishëm në ceremoni ishin vajza e tij, vëllai, familjarë dhe miq.

“Bashkë me familjarë e bashkëpunëtor kujtuam në një ceremoni në Universitetin “Aleksandër Xhuvani” penën e artë të gazetarisë shqiptare, mikun Fatos Baxhaku. Themeluesit të gazetarisë bashkëkohore shqiptare, pionerit të reportazheve, publicistit brilant dhe prindit shembullor, Këshilli i Bashkisë së Elbasanit e nderoi me titullin “Qytetar Nderi” pas vdekjes shkruan kryebashkiaku i e Elbasanit , Gledian Llatja.

Vajza e tij, Bora, u shpreh se Baxhaku e donte shumë këtë qytet , pasi aty janë rrënjët e tij, origjina e tij.

Fatos Baxhaku ndërroi jetë më 16 gusht të vitit të kaluar.

Ai lindi në Tiranë më 9 janar të 1964-s.

Shkollimin e parë e kreu në shkollat 8-vjeçare “Emin Duraku” dhe “20 vjetori”, ndërsa të mesmen e mbaroi te “Ismail Qemali”.

Arsimin e lartë Baxhaku e kreu në Universitetin e Tiranës, në Fakultetin e Historisë dhe Filologjisë, ku u diplomua në histori.

Që nga 1986 deri në 1992, ai punoi në Institutin e Historisë së Akademisë së Shkencave.

Më pas ai ka punuar në media të ndryshme, ndërsa në 2015-ën u bë gazetar në profesion të lirë.

Gjithashtu Baxhaku ka qenë pedagog i jashtëm në Universitetet e Elbasanit dhe Tiranës.

Shpërndaje
Share.

Komento