Mister mbetet fati i 50-të familjeve shqiptare të ISIS-it në kampin sirian, ku mes tyre janë dhe nëntë fëmijë. Historia e biznesmenit nga Tirana, Xhetan Ndregjonit, të cilit i është dashur të shkonte deri në Turqi, në kufi me Sirinë, me shpresën që të merrte nipin dhe mbesën e tij 8 dhe 6 vjeç
Eva dhe Endri Dumani, dy fëmijet e mitur udhëtuan sëbashku me babin e tyre drejt Sirisë, duke depërtuar në zona e konfliktit të armatosur, zona këto që kontrolloheshin nga shteti terrorist ISIS. Babai i tyre Shkëlzen Dumani nga Dibra që braktisi gruan në Shqipëri dhe u larguar në Siri së bashku me dy fëmijët dhe nënën e tij, u vra si luftëtar i ISIS-it, gjatë luftimeve me forcat kurde dhe forcat qeveritare të presidentit Sirian Asad. Me ndarjen e tij nga jeta, mbetën jetim dhe dy fëmijët e mitur Eva dhe Endri.
Shumë përpjekje dhe operacione janë ndërmarë nga daja i tyre Xhetan Ndregjoni, për lirimin e dy fëmijëve të mitur, por të gjitha impenjimet nuk kanë sjellë asnjë rezultat.
Herë i mashtruar dhe herë i tërhequr nga shpresa se do mundte të çlironte fëmijët e motrës së tij, Xhetani, për 5 vite më rradhë nuk ka lënë gurë pa lëvizur, për të vetmin qëllim, rikthimin në Shqipëri të nipit dhe mbesës së tij.
Ai tregon, për “shqiptarja.com” se kur ka qënë në Turqi, ka ndërmjetësuar me kontrabandistët për të çliruar dy fëmijët kundrejt një çmimi prej 100 mijë euro, por sërisht e gjithë kjo tratativë ka dështuar. Xhetani apelon për ndihmë nga shteti Shqiptar, që të përfshihet në një operacion për çlirimin dhe riatdhesimin e dy fëmijëve, pasi ata janë të pafajshëm dhe skanë asnjë lidhje me luftën në Siri.
