Kthimi në vatër koronavirusi i Krujës për shkak të fasonerive, ka vënë në lëvizje strukturat e shtetit.
Gjatë kontrolleve, janë gjobitur dy fasoneri me 100 mijë dhe 300 mijë lekë respektivisht, për mosrespektimin e distancës në mjedisin e punës dhe për mosrespektimin e distancës në autobusin e punëtorëve.
Gjithashtu janë sekuestruar edhe dy mjete që bënin transportin e punëtorëve.
Njoftimi i policisë
Krujë
Strukturat e Policisë në DVP Durrës vazhdojnë monitorimet për zbatimin e masave për parandalimin e përhapjes së COVID-19.
Ndëshkohen me masë administrative 2 fasoneri dhe bllokohen 2 mjete që transportonin punëtorët.
Strukturat e Krimit Ekonomik dhe Financiar në DVP Durrës, në bashkëpunim me ISHSH, në vijim të kontrolleve për subjektet që nuk kanë zbatuar masat e mara për parandalimin e gjendjes së shkaktuar nga COVID-19, kanë marrë masë administrative ndaj 2 fasonerive në Krujë.
Një fasoneri u ndëshkua me 100.000 lekë, për mosrespektimin e distancës midis punëtorëve dhe një tjetër u ndëshkua me 300.000 lekë, për mosrespektimin e distancës në automjetin e punonjësve. Mjetet janë sekuestruar dhe aktiviteti i fasonerisë u mbyll për mungesë së kushteve higjeno-sanitare.
Policia vijon kontrollet në territor për monitorimin e zbatimit të masave dhe apelon për të gjithë qytetarët, bizneset dhe drejtuesit e automjeteve që të respektojnë masat kufizuese dhe masat mbrojtëse.
Numri i të prekurve në Krujë ka shkuar në 65, ku pjesë më e madhe janë punëtorë fasonerish dhe kontakte të tyre.
Gjithashtu për shkak të fasonerive në Krujë, janë konfirmuar pozitiv edhe 28 persona në Kurbin.
