Facebook i vendos Ramës ‘pullë të kuqe’ për lajm të rremë, në postimin për maskat

Google+ Pinterest LinkedIn Tumblr +

Kryeministrit Edi Rama i është vëna pulla e kuqe në një postim të tijin në Facebook.

Në datën 15 tetor, Rama bënte thirrje për vendosjen e maskave, teksa postonte disa foto, ku shkruante se ishin të pandemisë në vitin 1918.

“MIRËMËNGJES dhe me këtë album të vitit 1918, kur pandemia zgjati 2 vjet, pati 3 valë, infektoi 500 milionë persona, vrau 50 milionë njerëz, prej të cilëve pjesën dërmuese gjatë valës së dytë, si pasojë edhe e mosrespektimit masiv të rregullave pas hapjes së parë, duke ju kujtuar se NGA SOT MASKA ËSHTË E DETYRUESHME KUDO JASHTË SHTËPISË, ju uroj një ditë të mbarë,”– shkruan Rama krahas fotove, që supozohet se janë shkrepur në ato vite.

Por, rrjeti social Facebook i ka vendosur një shenjë duke e cilësuar si lajm të rremë.

“Informacion i rremë. Ky postim është verifikuar nga fact-checkers dhe është i rremë,”- shkruhet në tabelën që Facebook, i ka vënë postimit të Ramës.

Por, ç’kuptim ka kjo dhe si funksionon identifikimi i një fakeneës-i nga Facebook?

Facebook ka nisur një fushatë për të identifikuar lajmet e rreme. Kjo gjë bëhet me anë të një pale të tretë, që janë verifikuesit, fact-checkers. Ata lënë shënime në shumë postime, duke vënë në dijeni edhe platformën mbi vërtetësinë e çdo informacioni. Për rrjedhojë, në momentin kur ju postoni diçka që ka të bëjë me një histori apo thënie, Facebook-u do t’ju lajmërojë që postimi që po bëni është ‘fake’, nëse është i tillë. Këtë fakt, do ta dijë edhe çdo person që shikon postimet tuaja.

/GazetaReforma.com/

Shpërndaje
Share.

Komento