Europol ka dorëzuar autoriteteve greke 4500 dosje që lidhen me komunikimet e zhvilluara përmes platformave të koduara “Sky ECC” dhe “Encrochat” në territorin grek.
Sipas mediave greke, dosjet përmbajnë rreth 25 mijë mesazhe të shkëmbyera midis personave të botës së krimit dhe mund të zbardhin çështje që lidhen me vrasje, trafik droge, armë, gjobvënie dhe trafikim të klandestinëve.
Hetimi, i cili zgjati rreth 9 muaj, ka çuar në dhjetëra arrestime të rëndësishme ditët e fundit. Autoritetet vijojnë hetimet për të zbuluar të tjera detaje dhe lidhje kriminale.
