Ministres së tenderave, Belinda Ballukut i janë bërë “mal” kallëzimet në SPAK, ndaj organi i Posaçëm i Akuzës ka mësyrë sërish në ministrinë e saj. Burime ekskluzive për Gazeta Reforma bëjnë me dije se këtë herë, SPAK kërkon të grumbullojë prova për “Tunelin e Llogarasë”, ku janë vjelur në mënyrë të paligjshme miliona lekë nga xhepat e qytetarëve.
Ky tunel u ka kushtuar taksapaguesve shqiptarë 170 milionë euro nga buxheti i shtetit, por nuk mjafton me kaq. Qytetarët që domosdo do të kalojnë në tunelin me gjatësi prej 5.9 kilometrash do të paguajnë një taksë prej 5 eurosh, një rrugë jo e lirë për t’u kaluar, me gati 1 euro për kilometër.
Kjo taksë, e cila përkthehet gati sa një ditë pune në Shqipëri, do jetë e papërballueshme nga shtresa e ulët dhe e mesme e shoqërisë, mirëpo do jetë shumë fitimprurëse për Ballukun dhe oligarkët e tjerë bashkëpunues.
Punimet për ndërtimin e tij u realizuan nga kompania turke Intekar Yapi Turizm Elektrik në bashkëpunim me kontraktorin shqiptar Gjoka Konstruksion.
Mirëpo ndërtimi i këtij tuneli ka kaluar në një zinxhirë tenderësh. Në mars të vitit 2021, qeveria shqiptare tenderoi për herë të parë ndërtimin e tunelit të Llogarasë me fond limit 19 miliardë lekë ose 190 milionë euro me kursin e sotëm.
Në tender u paraqitën 6 oferta ku më e ulëta ishte ajo e kompanisë shqiptare Gjoka Konstruksion me 14 miliardë lekë ose 140 milionë euro. Por ministria e Infrastrukturës e anulloi tenderin me arsyen zyrtare se asnjëra nga ofertat nuk ishte e përshtatshme.
Tuneli i ritenderua në korrik të vitit 2021. Qeveria shpalli fitues të garës bashkimin e dy kompanive turke, por këtë herë me vlerën 17 miliardë lekë ose 170 milionë euro. Pra 30 milionë euro më shumë se oferta në tenderin e parë që u anullua.
Tuneli i Llogarasë u ndërtua nga kompania që dha ofertën 140 milionë euro në tenderin e parë të anulluar. Vetëm me një ndryshim. Qytetarët shqiptarë paguan 170 milionë euro, pasi 30 milionë shkuan si divident në Ankara. Kjo është tarifa më e madhe që është regjistruar ndonjëherë në një punë publike në Shqipëri. Goli që “u hartua” në zyrat në Ankara.
Tani që SPAK u zgjua sërish për Ballukun, kjo e fundit nga do t’ja mbajë me aferat korruptive?
View this post on Instagram
