fbpx

Erkand Qerimaj renditet i treti në Moskë, Daniel Godelli tërhiqet nga gara

Google+ Pinterest LinkedIn Tumblr +

Në Moskë po zhvillohet Kampionati i Peshëngritjes dhe Erkand Qerimaj ka mundur të dalë në vendin e tretë dhe pse i dëmtuar. Ndërsa Daniel Godelli është dëmtuar dhe është tërhequr nga gara. Sportisti shqiptar, i cili garon në peshën 81 kg, që në provën e dytë e pësoi. Ndërsa në një tentativë për të ngritur 152 kg në stilin e shkëputjes, Godelli u dëmtua dhe më pas mjekët panë gjendjen e tij. Ka qenë e pamundur që ai të garonte sërish dhe aventura e tij në Europian mbyllet jo sikur ai dëshironte.

Nga ana tjetër Qerimaj arriti të bëjë mjaft mirë në stilin e shkëputjes në Baterinë B, teksa në tre provat arriti të ngrejë, 150 kg, 154 kg dhe 156 kg. Në këtë garë shkodrani u rendit i treti, ndërsa ndryshe ishte situata në stilin e shtytjes, teksa ja doli në tentativën e parë me 180 kg, dhe dështoi në dy tjerat me 184 kg dhe 185 kg. Pas përfundimit, shkodrani shkroi në rrjetet sociale se ia doli të fitonte edhe pse i dëmtuar.

Gara përfundoi, unë u rendita i dyti në shkëputje dhe i treti në dygarësh në baterinë time! Duke pasur parasysh edhe dëmtimin në bërryl, e konsideroj sukses garën dhe faktin që dola i padëmtuar! Shumë faleminderit për mbështetjen tuaj, dashamirësit e mi.

Shpërndaje
Share.

Komento