Erion Veliaj vazhdon ta tregojë me krenari historinë e vet si “shitës i fiqve”. Pra, ky djali ia doli të bëhej politikan. Po si?
Duke e përsëritur vazhdimisht para njerëzve këtë histori, kryebashkiaku kërkon tu mbushë atyre mendjen se ai është bërë politikan me forcat e veta dhe Rama nuk ka dorë në katapultimin e tij në PS. Sikur nuk e di publiku se sa vota mori Veliaj kur ishte kandidat i G99.
Në një takim në njësinë bashkiake 8 në Tiranë, ai tregon se prejardhja e tij vinte nga një familje modeste. Kryebashkiaku tregon se nëna e tij kishte dy diploma, por punonte pastruese. Më tej ai shprehet se ishte “çuni i pastrueses” që “shiste fiq”.
“Nëna ime edhe pse me dy fakultete, punonte pastruese, sanitare, sepse kështu ishte koha, shteti kolapsoi. Çuni i pastrueses, goca e pastrueses, kur gjërat bëhen me meritë dhe talent, në parti që hap dyert për këdo punon dhe djersitet, çdo gjë është e mundur.
E di çfare do të thotë të rritesh si çuni i pastruese, por mamatë tona nuk kanë vrarë njeri, as kanë vjedhur njeri, as nuk duan të bëhen deputetë që të na shpëtojnë nga burgu. Edhe punën si pastruese e kanë bërë me dinjitet sepse kanë parë mundësi të shërbejnë.
Njëqind herë më mirë të jesh bijë i prindërve të ndershëm, sesa bij të kryeministrave, ta tyre që lidhin jetën me Holandën apo atyre që kanë banjo për macet“, thekson Veliaj para mbështetësve të PS-së.
