Ditën e sotme disa media shkruanin se pas infektimit me COVID-19, kryebashkiaku i Tiranës, Erion Veliaj është nisur drejt Turqisë për një mjekim më të specializuar.
Burime për RTV Ora dhe Ora News, bënin me dije se kryetari i Bashkisë së Tiranës do të kurohej në spitalin Acibadem të Stambollit, por lajmi është përgënjeshtruar menjëherë.
Burime për Dosja.al pranë Bashkisë Tiranës, thonë se lajmi nuk është i vërtetë. Sipas këtij burimi, Veliaj ndodhet në shtëpi i karantinuar, duke pritur rezultatin e testit që do të dalë shumë shpejt.
“Nuk është e vërtetë. Është një mashtrim. Kreu i bashkisë ndodhet në shtëpi dhe po pret rezultatin e testit”, thanë burime nga bashkia.
Nuk dihet me saktësi sesi qëndron e vërteta, por nuk ka një reagim nga kreu i bashkisë për këtë lajm që qarkulloi sot.
Report Tv bënte me dije me dije javën e kaluar se janë të paktën 20 persona që janë larguar nga Rinasi me charter të dedikuar në harkun kohor prej 3 muajsh, për t’u kuruar jashtë. Sipas zyrtarëve, aplikime ka çdo ditë dhe shumica i kanë besuar më tepër eksperiencës së Turqisë, por edhe të Italisë, si një nga vendet evropianë më të prekura nga ky virus.
/GazetaReforma.com
