Enti Rregullator i Energjisë Elektrike do të shpallë tarifat e reja javën e ardhshme për tre kompanitë e këtij tregut, Operatorin e Shpërndarjes, të Transmetimit dhe kompaninë e prodhimit të energjisë KESH.
Kompania e shpërndarjes nuk e ka dorëzuar ende aplikimin për çmimin e ri, por sipas RTV KLAN ai do dërgohet brenda javës.
Po ashtu, bëhet me dije se OSHEE nuk do kërkojë ndryshim të çmimit për vitin 2020.
Ai do të mbetet 9.5 lekë për kilovat orë për abonentët familjarë dhe 11 lekë për kilovat orë për bizneset.
Ndërsa OST ka kërkar rritje të tarifës.
Gjithashtu, sa i përket OSHEE bëhet me dije se, ndryshe nga rastet e tjera, kërkesa do të shkojë nga dy kompani të ndara të saj, ndërmarrjes teknike dhe asaj tregtare.
Shumatorja e këtyre dy çmimeve do të bëjnë tarifën finale për konsumatorin.
Viti që po lëmë pas nuk ka qenë shumë i lehtë për kompaninë e shpërndarjes.
Rënia e prodhimit të energjisë në vend e detyroi atë që të shpenzojë 170 milio euro për importe.
