Një 35-vjeçar nga Gramshi është zhdukur në mënyrë të papritur pas vetëm dy ditësh që kishte mbërritur nga Gjermania,për shkak të disa problemeve shëndetësore.
Sipas familjarëve, ai kishte pasur shqetësime psikologjike dhe kishte planifikuar të konsultohej me një mjek psikiatër në Shqipëri.
Ai qëndroi për dy ditë në shtëpinë e kushëririt të tij, por mëngjesin e datës 25, ai është larguar papritur, pa lënë asnjë njoftim.
Familjarët e tij kanë denoncuar zhdukjen dhe kërkojnë ndihmën e autoriteteve për gjetjen e tij.
Kushëriri i të zhdukurit ka treguar se i riu kishte fjetur në shtëpinë e tij natën e para zhdukjes dhe, pas konsumimit të kafes në një lokal, ka ikur pa lënë gjurmë.
Sipas tij, edhe kamerieri i kafes ka thënë se e ka vërejtur 35-vjeçarin, që pasi ka konsumuar kafen, është larguar.
Kushëriri i 35-vjeçarit: Ai ishte tip i mbyllur, doli për kafe dhe më pas nuk u kthye më. Kishte një vit e gjysmë që punonte në Gjermani, punonte inxhinier elektrik. Ka qenë tip i mbyllur dhe nuk kishte shumë shoqëri. Kishim lënë takim dje me psikiatren. Iku në Gjermani për jetë më të mirë. Edhe në Shqipëri ka punuar elektricist e inxhinier elektrik në firma të mira. Prindërit i ka në Greqi. Familja e tij jeton 6-7 vite në Greqi. Ermali ka jetuar vetëm në Tiranë. Edhe motra e tij jeton në Tiranë. Kur ka ardhur na ka takuar ne që e kemi më të afërt, Ka fjetur tek unë. Sikur ishte mbyllur edhe më tepër nga se ka qenë më parë.
Në mëngjes më tha do pi kafe e nuk e prisja që nuk do kthehej. Ermali nuk ka as telefon me vete, e ka lënë në shtëpi. Dokumentet i ka lënë në shtëpi. Kafen e ka pirë për herë të fundit pranë Brrylit. Edhe kamerieri e kishte fiksuar. Ai tha piu kafe e iku. Nuk është se fliste, por nuk ka shprehur shqetësim. Ishte tip i mbyllur, por nuk ishte i dhunshëm. Ne kemi informuar policinë. Kishim lënë takim me psikiatrin pasdite. Ai kishte arritur nga Gjermania për një kontroll tek psikiatri. Nuk done të takonte psikiatrin. Atë ditë ishte i veshur sportiv.
