Erdhën nga Katari, 32 shqiptarë dhe 22 kosovarë bllokohen në aeroportin e Shkupit

Google+ Pinterest LinkedIn Tumblr +

Koronavirusi po përhapet me shpejtësi në Europë, duke detyruar shtetet të marrin masa shtrënguese.

Së fundmi në aeroportin e Shkupit në Maqedoninë e Veriut janë bllokuar 32 shtetas nga Shqipëria dhe 22 nga Kosova, të cilët ktheheshin nga Katari.

Autoritetet në Kosovë dhe Shqipëri gjetën më pas zgjidhjen, duke pranuar që shtetasit e tyre të kthehen me autobusë, nën mbikëqyrje të rreptë.

Në Maqedoni janë regjistruar 6 raste me koronavirus, ku pacienti zero është përmirësuar ndjeshëm dhe ka lënë spitalin.

Kosova ndërkohë numëron 15 raste, duke detyruar kryeministrin Albin Kurti, që të shpallë gjendjen e emergjencës.

Kurse vendi ynë numëron 51 të infektuar edhe një viktimë.

Ministria e Shëndetësisë bëri me dije se 3 prej pacientëve i janë nënshtruar terapisë intensive.

Në rang global janë shënuar 174,614 raste me koronavirus, 6,685 viktima dhe 77,867 të shëruar.

Shpërndaje
Share.

Komento