Kryeministri i vendit Edi Rama, ka reaguar për herë të parë pas vendimit zhgënjyes të ministrave të Jashtëm të Bashkimit Evropian, për mos çeljen e konferencës së parë ndërqeveritare. Ai ka folur një ditë pas vendimit të vendeve anëtare të Bashkimit Evropian për të mos caktuar datën për Konferencën e Parë Ndërqeveritare për Shqipërinë dhe Maqedoninë e Veriut, për shkak të vetos së vendosur nga Bullgaria.
Kryeministri u shpreh se “nuk është hera e parë që dështojnë ata, po e prisja me emocione një vendim pozitiv. Por nuk po ndodh, unë nuk jam i demoralizuar ne do vazhdojmë punën nuk do ndalojmë”.
“Nuk është hera e parë që dështojnë ata, po e prisja me emocione një vendim pozitiv. Por nuk po ndodh, unë nuk jam i demoralizuar ne do vazhdojmë punën nuk do ndalojmë. Ata kanë problemet e tyre brenda shteteve anëtare, unë nuk jam i shqetësuar pse ndodhi. Reformat ne i bëjmë për Shqipërinë dhe të ardhmen tonë, ne kemi bërë përpjekje të mëdha për të ecur para. Nuk mund të shtojmë shprehjen e urrejtjes, janë forcat politike që duhet tu shërbejnë njerëzve. Nuk mund ta konsiderojmë Maqedoninë si Bullgaria e perëndimit, ne nuk jemi pjesë e BE por jemi pjesë e Europës. Ajo që na është thënë neve më përpara e kemi bërë, ne nuk dështuam unë mund të flas shumë por më duket absurd”, tha kryeministri i vendit Edi Rama.
