Ndërkohë që opozita është duke trumbetuar se nuk do të lejojë zhvillimin e zgjedhjeve fasadë, Partia Socialiste nuk është duke u tërhequr, por përkundrazi po këmbëngul në zhvillimin e tyre.
Ditën e sotme në një takim në Elbasan, ka qenë Sekretari i Përgjithshëm i kësaj partie, Taulant Balla, i cili është shprehur se asgjë dhe askush nuk i ndalon zgjedhjet.
Për më tepër Balla ka thëën se kush guxon të prekë kutitë ose të pengojë zgjedhësit të votjnë, e presin deri në 7 vite burg dhe ky fakt ka për të qenë i panegociushëm.
“Më 30 Qershor zgjedhjet do të zhvillohen. Ta harrojë Monika, Luli e Saliu se mund të pengojnë popullin të shkojnë të votojnë. Nuk e bëjnë dot. Është vepër penale, dënohet deri në 7 vjet burg, kushdo që pengon zgjedhësit të shkojnë në votim. Kushdo që tenton të dhunojë qoftë derën e qendrës së votimit, e për të mos thënë pastaj, larg qoftë, të guxojë të ngrejë dorën mbi kutinë e votimit për ta dëmtuar atë, sepse dënimi është shumë i rreptë ”, u shpreh Balla.
Mirëpo Balla nuk e ka përfundruar me kaq, pasi ai është shprehur i bindur se edhe nëse Basha do të ishte vetëm në zgjedhje prap do humbiste, pasi shqiptarët e refuzojën, pasi ky i fundit mendon vetëm për veten.
“Zgjedhja është aq e thjeshtë sa ne jemi të sigurtë se edhe po të garonte në zgjedhje i vetëm, Lulzim Basha sërish do të humbte, pasi shqiptarët e refuzojnë Bashën, partinë e tij pa ide dhe alternativën e tij të dhunës, politikën e tij të baltës dhe gënjeshtrës. Lulzim Basha mendon vetëm për veten e tij e për asgjë tjetër. 100% për Bashën, 0% për Shqipërinë”, deklaroi Balla.
