Ditën e sotme një 37-vjeçar nga qyteti i Maliqit është arrestuar nga Policia, pasi akuzohet se ka ngacmuar seksualisht vajzën e tij 18 vjeçe.
Sipas njoftimit të Policisë, mësohet se ka qenë vajza që e ka denoncuar babain e saj, pasi i ati e ka ngacmuar me fjalë banale, teksa bëhet me dije se 18-vjeçarja jetonte me gjyshërit, pasi prindërit e saj janë në prag divorci.
LEXO: Ngacmon seksualisht vajzën e tij, arrestohet 37-vjeçari nga Maliqi
Policia raportoi se vajza kishte deklaruar se kishte edhe audio-përgjime që dëshmonin se i ati ka tentuar të abuzojë me të.
Së fundmi, BalkanWeb ka zbardhur këto përgjime ku dëgjohet babai, i cili shpreh dëshirën për të kryer marrëdhënie seksuale me vajzën, por kjo e fundit nuk ka pranuar dhe i kujton se e ka bijën e tij.
E megjithatë, babai këmbëngul disa herë dhe thotë se ndjenjat nuk i kontrollon dot dhe se marrëdhënia do kryhet vetëm një herë dhe nuk do e marrë vesh askush.
Biseda
Babai: Vetëm 1 herë, do ndihesh mirë.
Vajza: Ti je babai im
Babai: Dakord që jam babai yt, po kjo është ndjenjë
Vajza: Nesër flasim
Babai: E di m babi e di, flasim kur të duash, por këto janë ndjena, ndjenjat nuk komandohen.
Vajza: Ndjenjat do ti komandosh aty ku duhen jo aty ku nuk duhen.
Babai: …..
Vajza: Nuk duhet te flasësh me mua për budallëqe.
Babai: Jo, është gjë e zotit ajo.
Vajza: Edhe çlidhje ka me mua?
Babai: Jo nuk ka lidhje, por që ta dish..
Vajza: Mos fol budallëqe ik fli gjumë.
Babai: Vetëm një herë.
Vajza: Po ti je babai im.
Babai: E di, por është ndjenjë…
Vajza: Je në vete o ba, po më ke evlad, je në terezi?
Babai: Ndjenjat nuk komandohen, pastaj kush do e marrë vesh?
Më herët rreth kësaj çështje ka folur edhe e ëma e vajzës që tregoi se ishte ndarë para një viti me të, teksa kërkon të vihet drejtësi, pasi në të kundërt ajo kërcënon se do ta vrasë vetë.
LEXO: Babai ngacmon seksualisht të bijën, flet nëna: Nëse shteti nuk e dënon, do ta vras vetë!
Në shoqërinë shqiptare kjo temë mbetet shumë delikate, teksa edhe drejtësia duket e papërgatitur përballë pedofilisë.
Sipas medialook.al , të paktën 98 persona të cilët kanë kryer krime seksuale me të miturit kanë rifituar lirinë, por asnjë prej tyre nuk është identifikuar nga drejtësia si pedofilë e s’është trajtuar me mjekime përgjatë apo pas dënimit të kryer në dhjetë vitet e fundit, duke u kthyer sërish në një kërcënim për fëmijët përreth vendbanimeve të tyre në gjithë territorin e Shqipërisë.
Disa javë më parë një ngjarje e ngjashme bëri bujë, pasi një vajzë 17-vjeçare denoncoi se ishte abuzuar seksualisht që në moshën 9-vjeçare dhe ishte përdorur edhe nga prindërit e saj.
