Ambasadorja e Shteteve të Bashkuara të Amerikës, Yuri Kim ka zhvilluar ditën e sotme një takim me zv.kryeministrin Arben Ahmetaj. Kim bën me dije se temë e bisedës ka qenë lufta ndaj korrupsionit dhe se i ka bërë thirrje qeverisë që të ndërmarrin veprime reale në mënyrë që shteti shqiptarë të jetë më i drejtë më i fortë dhe më i pasur.
Më tej ambasadorja ka shtuar se SHBA kërkon nga shteti shqiptar që të intensifikojë luftën kundër korrupsionit, si dhe pastrimin e parave.
“Unë pata një takim me zëvendëskryeministrin Arben Ahmetaj, të cilit i theksova vullnetin e SHBA-ve në mbrojtje të demokracisë dhe të biznesit.
Gjithashtu nënvizova faktin që SHBA-të e kanë shumë seriozisht luftën ndaj korrupsionit, dhe ne i bëjmë thirrje qeverisë të ndërmarrë veprime relae në mënyë që shteti shqiptar të jetë më i drejtë, më i fortë dhe më i pasur.
Ne diskutuam rëndësinë e zgjidhjes së të drejtave të pronësisë, duke përfshirë dixhitalizimin e regjistrave për të kundërshtuar ndërhyrjen ilegale të njeriut; zbatimi i reformës në drejtësi në mënyrë që qytetarët dhe investitorët të mbështeten në gjykata të pastra; trajtimin e pastrimit të parave dhe shqetësimeve të tjera të përshkruara.
Tridhjetë vjet pas përfundimit të diktaturës komuniste, udhëheqësit e Shqipërisë nga të gjitha anët duhet të shfrytëzojnë mundësinë për të thyer zakonet e këqija të së kaluarës, për të bërë ndryshime të vështira, por të nevojshme, në mënyrë që brezi i ardhshëm të ketë një të ardhme më të mirë. Nëse jo tani, kur? SHBA-të do të vazhdojnë të jenë me ju në mbështetje të plotë”, shkruan Kim në postimin e saj.
