Gjykata e Thesprotisë në Greqi ka dënuar me burgim të përjetshëm shqiptarin 52-vjeçarin nga Berati, Aleko Petro, i cili vrau vajzën e tij, Anxhelinën.
Ngjarja e rëndë ndodhi në janar të 2019-ës në Korfuz.
Pasi e goditi me shufër metalike vajzën e tij, Petro e groposi në oborrin e shtëpisë.
Gjykata i shtoi 52-vjeçarit edhe një dënim prej 30 muajsh për armëmbajtje pa leje dhe 1000 euro gjobë.
Avokati i shqiptarit, Vasileos Nulezas, u shpreh se do ta apelonte vendimin.
Nulezas tha se Petro nuk kishte për qëllim të vriste vajzën, por për shkak të zemërimit pas sherrit me vajzën, kishte pësuar tronditje psiqike.
Në gjyq dëshmitarë ishin i dashuri afgan i vajzës dhe gruaja që e kishte pagëzuar.
Ndërsa nëna e vazjëz që jetonte në Berat e kishte të pamundur të merrte pjesë në seancën gjyqësore, për shkak të COVID-19.
