Gjykata e Tiranës ka vendosur masën e sigurisë “arrest me burg” për Isuf Hasën, i akuzuar për vrasjen e komshiut të tij, Xhemal Metës, 81 vjeç, të cilin e goditi me çekiç në kokë.
Autori ka pranuar krimin para gjykatës, por nuk ka shfaqur asnjë pendesë. Pas vrasjes, ai i ka marrë një shumë parash viktimës dhe dyshohet se i ka fshehur ato në një çorape, të cilat u zbuluan gjatë kontrollit në banesën e tij.
I moshuari u gjet i pajetë në oborr më 13 janar, dhe ekspertiza mjeko-ligjore ka vërtetuar se plagët në kokë ishin fatale.
