Forcat RENEA kanë kryer kontrolle në banesën e Ervis Lamit, i shpallur në kërkim pas vrasjes së postierit Lulzim Visha në Zall Mner, Kamëz, më 24 janar.
Lami, i dyshuari kryesor për këtë vrasje, ende nuk është gjetur, megjithatë autoritetet kanë nisur hetime për të lidhur prova të mundshme mes tij dhe ngjarjes.
Sipas informacionit nga sistemi TIMS, Lami ndodhet në Shqipëri dhe nuk rezulton të ketë kaluar kufirin, por ka dyshime se mund të ketë shfrytëzuar rrugë ilegale për të kaluar në Kosovë dhe më pas të ketë udhëtuar drejt vendeve të tjera.
Ervis Lami ka një histori të gjatë kriminale. Në vitin 2013, ai hodhi një granatë pranë Komisariatit të Korçës, duke mundësuar arratisjen e 7 të dënuarve nga burgu i Drenovës, përfshirë Admir Tafilin.
Po ashtu, në 2015-ën, babai i tij, një efektiv policie në Kamëz, ishte i përfshirë në një ngjarje tronditëse, ku vendosi tritol në makinën e kolegut të tij, pas një përplasjeje për dokumente. Për fat të mirë, sulmi nuk shkaktoi viktima, por dëmtimi i makinës ishte i madh.
Hetimet aktuale po shqyrtojnë mundësinë e një hakmarrjeje familjare, pasi vëllai i Lamit, Besnik Visha, vrau një polic në vitin 1997. Autoritetet janë në kërkim të më shumë provave për të zbardhur këtë ngjarje kriminale.
