Kryeministri i Shqipërisë Edi Rama, gjatë ditës së sotme ka shkuar për një vizitë zyrtare dy ditore
së bashku me një pjesë të kabinetit qeveritar në Ankara, ku zhvilloi një takim me presidentin Rexhep Tajip Erdogan dhe kabinetin e tij qeveritar.
Në këtë takim janë nënshkruar disa marrëveshje në dukje të rëndësishme për Shqipërinë.
Ndër marrëveshjet që u nënshkrua është Krijimi i Këshillit për Bashkëpunim të Nivelit të Lartë. “Kjo e ngre partneritetin tonë strategjik në nivel institucional dhe ndërqeveritar”, tha Rama.
Një lajm i mirë për të rinjtë shqiptarë është edhe hapja e universitetit ITU. Ky universitet që është në Turqi do të jetë dhe në vendin tonë. Universiteti ITU do të ketë një themelim në Tiranë dhe bashkë me këtë do pajisen dhe me stafin pedagogjik, ku 100 studentë shqiptarë që vazhdojnë studimet në këtë universitet.
Gjithashtu Presidenti i Turqisë ka thënë se për tre muaj do të ndërojnë një spital në Fier me rreth 100 shtretër. Ai tha se spitali do të pajiset me makineri të nevojshme.
Ministrja e Kulturës Elva Margariti bëri me dije se është nëshkruar edhe marrëveshja për restaurimin dhe Konstruksionin e sistemit të mbrojtjes nga përmbytjet për Xhaminë e Shkodrës.
Ministrja e Shëndetësisë ka bërë me dije se me homologun e saj Fahrettin Koca kanë nënshkruar për themelimin e bashkëpunimit për ruajtjen e shëndetit publik, shkëmbimin e përvojave në fushën e mjekësisë familjare, farmaceutikës, vaksinimit, teknologjisë së informacionit, shërbimit gjatë emergjencave dhe forcimi i sistemeve të kujdesit shëndetësor. Gjithashtu 100 pacientë shqiptarë do të arrijnë çdo vit trajtim mjekësor të specializuar në spitalet e Turqisë
Sakaq, ministrja e Arsimit Evis Kushi me anë të një postimi bën me dije se me homologun e saj ka Ziya Selçuk në Ankara ka nënshkruar marrëveshjen e bashkëpunimit midis Shqipërisë dhe Turqisë në fushën e arsimit me qëllim promovimin e tij në një sërë drejtimesh si: shkëmbimi i akademikëve, ekspertëve të arsimit, mësuesve, studentëve e nxënësve;
programet e përbashkëta dhe binjakëzimi i institucioneve arsimore; zhvillimi i aktiviteteve të përbashkëta shkencore dhe inkurajimi i mësimdhënies dhe nxënies së gjuhës zyrtare në sistemet respektive arsimore etj./Gazetareforma.com/
