Deputeti i PD Gazment Bardhi ka folur për mediat pas mbledhjes me deputetë të tjerë të opozitës, ku ka deklaruar se kanë vendosur që nuk do të tërhiqen nga kërkesat për ngritjen e tre komisioneve hetimore. Po ashtu siç deklaroi Berisha më herët, edhe Bardhi tha se nuk do të pranojnë provokime, duke iu referuar zhvillimeve të fundit në Parlament. Ai theksoi se nuk do të ketë seanca normale nëse të drejtat e deputetëve të opozitës mohohen, duke shtuar se do të përgjigjen “me çdo çmim”. Ndërkohë sa i përket kërkesës për përjashtimin e 7 deputetëve të opozitës, ai tha se nuk do t’i njohin këto masa, duke i cilësuar si arbitrare.
“Komisionet hetimore, 45 deputetë të opozitës kanë depozituar kërkesën në Kuvend për ngritjen e 3 komisioneve. Përbërja e Komisionet të Reformës Zgjedhore, prioritet për PD dhe mazhoranca duhet të heqë do të për diktimin se kush do jenë përfaqësuesit e PD. Edhe dje, kreu i grupit të PS gënjeu se propozimi i emrave të anëtarëve është çështje e partive politike. Kam këtu shkresën sesi janë caktuar anëtarët aktualë të Komisionit të Reformës Zgjedhore. Nikolla duhet të heqë dorë nga trajtimi i vetës si specialiste e protokolleve të Bashës. Nuk pranojmë provokime nga PS, nuk do ketë seancë normale”, tha ai.
