Drejtoria e Përgjithshme e Tatimeve (DPT), me anë të një njoftimi zyrtar, ka bërë me dije se duke filluar që nga e hëna, më 11 janar 2021, inspektorët e verifikimit në terren do të jenë të pajisur me kamera regjistruese.
Si pasojë e këtij vendimi, do të bëhet e mundur regjistrimi i veprimeve të kryera gjatë verifikimeve në terren në vendushtrimet e aktiviteteve të Tatimpaguesve.
Kjo nismë do të ndërmerret në mënyrë që të përmirësohet sjellja dhe mes Administratës Tatimore (AT) dhe tatimpaguesve, rritja e transparencës etj.
Sipas vendimit, kjo nismë do të fillojë zyrtarisht në fillim të javës së ardhshme dhe do të ndërmerret si nismë në kuadër të masave të marra kundër informalitetit në Ekonomi.
Njoftim mbi fillimin e regjistrimit të veprimeve në terren
Të nderuar tatimpagues,
Në kuadër të masave të marra kundër informalitetit në Ekonomi, Drejtoria e Përgjithshme e Tatimeve ka ndërmarre së fundmi nismën për pajisjen e inspektoreve të verifikimit në terren me kamera regjistruese, për regjistrimin e veprimeve të kryera gjatë verifikimeve në terren në vendushtrimet e aktiviteteve të Tatimpaguesve.
Kjo nisëm synon të:
garantojë përmbushjen e detyrave funksionale të punonjësve të administatës tatimore gjatë ushtrimit të detyrës;
të garantojë përmirësimin e sjelljes dhe komunikimit të administratës tatimore me tatimpaguesit duke shmangur kështu rastet abuzive dhe/ose korruptive;
të rrisë transparencën dhe zbatimin korrekt, konform të legjislacionit tatimor ne fuqi.
garantimin e përpunimit të të dhënave të regjistruara vetëm në funksion të qëllimit për të cilin është kryer regjistrimi duke mos i keqpërdorur këto të dhëna.
Testimi i këtyre kamerave regjistruese do të nis ditën e hënë më datë 11.01.2021 në qarkun e Tiranes.
Ftojmë të gjithë tatimpaguesit të mbështesin këtë nisëm.
Ju faleminderit!/Gazetareforma.com/
