Pas identifikimit të trupit të të vëllait në morgun e QSUT-së, Cen Murataj ka dhënë edhe një deklaratë për mediat. Murataj ka kërcënuar se do t’i gjejë përgjegjësit që bënë këtë gjë dhe mbi të gjitha do të hakmerret ndaj shokëve të tij që e lanë në rrugë.
Sipas dëshmisë së tij, Cen Murataj kishte rreth 2 vite pa folur me të vëllain, mirëpo pas identifikimit të tij ka kërkuar me forcë nga Policia që të gjejë përgjigjet dhe të gjejë edhe përgjegjësit e tjerë.
“Policia duhet të gjejë fajtorët. Shokët që e lanë në rrugë do i gjejmë. Admiri, organizator u la në rrugë. E dinim se ishte organizator. Do e shohim sa organizator është, ai është vegël. Diçka duhet të jetë. Organizatori nuk vritet. Dimë që e hodhën shokët aty. Nuk kemi asnjë informacion. Kishim 2 vite që nuk flisnim. Lajmin e morëm nga mediat.”, ka thënë Cen Murataj jashtë morgut.
