Përpjekjet për një vaksinë kundër koronavirusit nuk kanë të ndalur nga shtete të ndryshme në botë. Dhe ajo çfarë ka shqetësuar ditën e sotme Papa Françeskun është se kush do të ketë akses i pari në përdorimin e kësaj vaksine.
Papa tha se njerëzit më të varfër në botë janë ata që duhet të kenë akses ndaj vaksinës anti-Covid, pasi do të ishte e trishtueshme nëse ajo do të bëhej pronë e disa kombeve dhe jo universale.
“Sa e trishtueshme do të ishte nëse një vaksinë për Covid-19 do të bëhej prioritet për më të pasurit. Do të ishte e trishtueshme nëse vaksina do të bëhej pronë e disa kombeve dhe jo universale për të gjithë.”
Por përveç kësaj papa Françesku tha se nuk duhet të gjejmë vetëm një kurë për virusin që ka gjunjëzuar botën por edhe një kurë për padrejtësitë sociale, pabaarazinë dhe mungesën e mbrojtjes për më të dobëtit.
“Në një anë është shumë e domosdoshme që të gjejmë një kurë për këtë virus të vogël, por të tmerrshëm, që e ka gjunjëzuar të gjithë botën. Nga ana tjetër, ne duhet të gjejmë një kurë për një virus të madh, atë të padrejtësive sociale, pabarazisë në mundësi, margjinalizimin dhe mungesën e mbrojtjes për më të dobëtit,” shtoi ai
