Në ditët e para të muajit janar, urgjenca e Spitalit Rajonal të Fierit është mbipopulluar nga pacientë që kërkojnë ndihmë mjekësore, kryesisht për shkak të virozave që janë në qarkullim.
Sipas të dhënave të spitalit, deri në 150 persona paraqiten çdo ditë për shërbim, duke krijuar një fluks të madh. Ky numër ka vënë në vështirësi ekipin e mjekëve, i cili është thuajse i përgjysmuar, ndërkohë që janë thirrur edhe mjekët e familjes për ndihmë.
Mjekët rekomandojnë konsultimin paraprak me mjekun e familjes dhe konsumimin e ushqimeve të shëndetshme dhe lëngjeve si masa për t’u mbrojtur gjatë kësaj periudhe.
