Petrit Sulaj, ish-drejtori i Aviacionit Civil është lënë i lirë pas disa orëve marrje në pyetje nga policia. Sulaj u mor në pyetje nga policia e Tiranës, pas bisedave të bëra në ëatsap me kontrollorët e Albconterol. Po pas kryerjes së proçedurave Sulaj u la i lirë.
Aktualisht ndodhen në ambientet e paraburgimit, kreu i Sindikatës, Armando Fezga, përgjegjësja e turnit, Flora Ndreca dhe Muhin Mezini pasi akuzohen se janë organizatorë të kësaj proteste. Ndërsa mbi 20 të tjerë janë shoqëruar në Polici gjatë natës për t’u marrë në pyetje, ndërsa më pas janë lënë të lirë.
Kujtojmë se greva e kontrollorëve të AlbControl solli paralizim të punës në Rinas, ku u bllokuan fluturimet ajrore në të vetmin aeroport ndërkombëtar që ka vendi ynë. Protesta e kontrollorëve erdhi pas vendimit për përgjysmim të rrogës së tyre.
Ndërkohë pas dy ditësh bllokim, sot është njoftuar se rinis puna në aeroportin e Rinasit. Kujtojmë se pati reagime të ashpra nga politka deri në kërcënime për rastin në fjalë. Ministrja e Infrastukturë, Belinda Balluku nuk arriti që të negocionte dot me kontrollorët e kompanisë Albcontrol, ndërkohë që kryeministri i vendit Edi Rama bëri fajtor presidentin Ilir Meta dhe ish-kryeministrin Sali Berisha. Kontrollorët u zëvendësuan me turq.
