Një i moshuar është përplasur nga autobusi ditën e sotme në Tiranë.
Ngjarja është regjistruar në “Rrugën e Durrësit”.
Mësohet se i aksidentuari është 77-vjeçari me iniciale H.Zh.
Ky i fundit është dërguar në spital, për të marrë ndihmën mjekësore.
Ndërkohë shoferi i autobusit me iniciale Ll.N., është shoqëruar në komisariat, për t’u marrë në pyetje.
Policia ndodhet në vendngjarje po punon për zbardhjen e rrethanave të aksidentit.
Tiranë/Informacion Paraprak
Rreth orës 10:28 në rrugën e “Durrësit” autobusi me drejtues shtetasin LL. N ka përplasur këmbësorin H. ZH.,77 vjeç.
Si pasojë e përplasjes, këmbësori shtetasi H. ZH ka marrë dëmtime dhe është dërguar në spital për ndihmë mjeksore.
Drejtuesi i autobusit shtetasi LL. N është shoqëruar në komisariat për veprime të mëtejshme hetimore.
Policia rrugore ndodhet në vendngjarje ku po vijon punën për sqarimin e rrethanave të ngjarjes dhe shkakut të aksidentit.
