Murat Durriçi është biznesmeni i kromit që u gjend mbrëmjen e sotme në kanal.
Ai ishte në gjendje të rëndë, kur është gjetur nga disa kalimtarë të rastit.
Rrugës për në Spitalin e Traumës në Tiranës ka humbur jetën.
Ai është përplasur nga një furgon, i cili drejtohej nga shoferi Mentor Çeku.
Së fundmi, detaje të reja janë zbardhur rreth ngjarjes në fjalë.
Bëhet me dije se Çeku e ka përplasur biznesmenin me pasqyrën e automjetit.
Goditja e fortë ka bërë që 53-vjeçari të përfundonte në kanal.
Pas kësaj, shoferi është larguar nga vendngjarja.
Dyshohet se Çeku ka qenë duke ecur me shpejtësi tej normave të lejuara.
Po ashtu, ai ka qenë nën efektin e alkoolit.
Drejtuesi i mjetit më pas ka shkuar në fshatin ku banonte, ka marrë familjen e tij dhe është larguar nga Bulqiza.
Ngjarja dyshohet të ketë qenë e qëllimshme.
Murat Durriçi ishte një biznesmen i njohur në Bulqizë.
Megjithatë nuk dihen ende motivet e plota të ngjarjes.
