Orgito Berhama, 22-vjeçari që u dhunua nga dy persona në Sarandë, është dërguar për mjekim të specializuar në Tiranë për shkak të dëmtimeve të marra në kokë.
Ai fillimisht u transportua në urgjencën e spitalit të Sarandës, ndërsa sot u dërgua në kryeqytet për trajtim të mëtejshëm.
Ngjarja ndodhi mbrëmjen e së martës, më 29 prill, në rrugën “Gjergj Araniti” në Sarandë.
Dyshohet se konflikti ka origjinën nga një përplasje e mëparshme që ka ndodhur më 2 janar 2025, në fshatin Gjashtë, ku disa persona ishin përfshirë në një incident dhune dhe përdorim arme.
Për këtë ngjarje, policia ka shoqëruar një nga të dyshuarit, Andrea Nanai, dhe po punon për kapjen e autorit të dytë.
