Autobusi i një firme private në Fier është përfshirë nga flakët mëngjesin e sotëm. Ngjarja ka ndodhur në fshatin Peshtan të Levanit, ku autobusi ka marrë flakë, por fatmirësisht askush nuk është lënduar.
Mjeti përdorej për transportin e punonjësve nga këto fshatra drejt kompanisë.
Ende nuk janë zbardhur shkaqet që shkakuan zjarrin, por autoritetet po vijojnë hetimet.
