2 varka janë fundosur orët e fundit.
Varka e parë u fundos në detin Jon pranë ishullit grek Paxi, duke marrë të paktën 12 jetë njerëzish.
Disa orë më vonë u raportua për një tjetër varkë të përmbytur, këtë herë pranë brigjeve të Egjeut në Turqi.
18 persona janë mbytur, nga të cilët 8 mësohet të jenë fëmijë.
8 persona të tjerë u shpëtuan në afërsi të ujërave të Cesmes, një resortë turistike në detin Egje përballë ishullit grek të Kios.
Cesme ndodhet vetëm 15 km larg Kiosit, ku me mijëra emigrantë jetojnë në kampe të mbipopulluara, në kushte që përshkruhen si “jo sanitare”.
Identitetet dhe kombësitë e tyre nuk janë bërë të ditura ende.
Së fundi, numri i njerëzve që përpiqen të kalojnë përmes Turqisë në Greqi ka filluar të shtohet sërish; pjesa më e madhe e tyre vijnë nga Afganistani, Pakistani dhe Siria.
