Të dielën, rrëzimi i avionit 737 Max, i kompanisë ajrore të Etiopisë, shkaktoi vdekjen e 157 njerëzve që ishin në bord.
Po ashtu tetorin e kaluar, një avion i Boeing-ut, i llojit 737 Max, u rrëzua në Indonezi, duke shkaktuar vdekjen e të paktën 189 njerëzve në bord.
Pas këtyre tragjedive Administrata Federale e Aviacionit në SHBA tha se provat e reja dhe të dhënat satelitore nxitën vendimin për ndalimin e përkohshëm të avionëve.
Disa vende, përfshirë SHBA-në, Brazilin, Australinë, Kinën, gjatë kësaj jave kanë njoftuar se kanë ndaluar së operuari me Boeing 737 Max.
“Po bëjmë gjithçka që mundemi, në partneritet me hetuesit, për të kuptuar shkakun e aksidenteve dhe për të përmirësuar sigurinë”- tha presidenti i Boeing-ut, Dennis Muilenburg.
