Një ngjarje e rëndë është regjistruar këtë të shtunë në fshatin Kutalli, në njësinë administrative me të njëjtin emër në bashkinë Dimal, ku një 51-vjeçar ka humbur jetën në rrethana tragjike.
Viktima, Altin Hajdari, po kryente punime në banesën e tij kur, gjatë shembjes së një muri rrethues, ai është zënë poshtë nga inertet. Familjarët e kanë transportuar menjëherë drejt Spitalit Rajonal të Beratit, por fatkeqësisht ai kishte ndërruar jetë para mbërritjes.
Trupi i pajetë është dërguar në morg për autopsinë mjeko-ligjore, ndërsa policia e DVP Berat ka mbërritur në vendngjarje dhe ka nisur hetimet për të sqaruar plotësisht shkaqet e aksidentit.
