Dëmtohen ambientet e dy subjekteve politike në Fier.
Ngjarja ka ndodhur rreth ores 03:00 të mëngjesit të kësaj të diele.
Nga informacionet paraprake të policisë, bëhet me dije se disa persona ende të paidentifikuar kanë thyer me gurë xhamat e zyrave elektorale të Partisë Socialiste dhe të Partisë për Drejtësi, Integrim dhe Unitet.
Kujtojmë se jemi vetëm një muaj para zgjedhjeve elektorale të 25 Prillit.
Situata politike në vend është paraqitur mjaft e tensionuar. Përmendim këtu përplasjen mes Presidentit Ilir Meta me policët bashkiakë në selinë e FRD-së.
Gjithashtu në Ditën e Verës ndodhi një përballje tjetër fizike mes militantëve të PD dhe PS. Situata agravoi në sherr masiv dhe policia shoqëroi 20 persona.
E fundit ngjarje është dhe përplasja e deputetit demokrat Luçiano Boçi me biznesmenin nga Lezha.
Të gjitha këto nxitën dhe një reagim të ashpër nga Komisioni Qëndror Zgjedhor, të cilët e paraqitën situatën parazgjedhore të dhunshme e të tensionuar.
Informacion paraprak
Sot rreth orës 03:00, në lagjen “1 Maj” Fier, në rrugën “Jani Bakalli” dhe pranë poliklinikës, nga ana e shërbimeve të Policisë së rendit, janë konstatuar të dëmtuara me gur dy xhama të zyrave elektorale të dy subjekteve politike.
Grupi hetimor po kryen veprimet për zbardhjen e rrethanave të ngjarjes dhe identifikimin e autorëve.
