Vazhdon të jetë Akoma në qendrë të vëmendjes skandali i “Për’puthen” për lidhjen mes Teas dhe Teartit. Dyshes në fjalë iu publikuan fotot që vërtetoni se ata të dy ishin çift. Protagonistja e ngjarjes, tea reagoi fillimisht duke thënë se produksioni ishte në dijeni për çdo gjë, por në studion e “Për’puthen” është mohuar cdo akuzë duke thënë se e gjitha ishte një lojë e saj dhe e Andit.
Mirëpo, Tea nuk është ndalur me kaq dhe ka pasur sërish një reagim ditën e sotme duke akuzuar autoren e programit, Olsa Muhameti që ishte në dijeni për çdo gjë. Tea thotë se ajo ka kërkuar të dilte që në dhjetor, por Olsa i ka nxjerrë justifikime nga më të ndryshmet duke mos e lejuar. Ndër të tjera në video Tea thotë se vitin e ri e ka kaluar te familja e Bearit e më pas produksioni i ka kërkuar foto me Andin.
Deklarata e plotë e Teas:
“Pas emisionit të sotëm vendosa të reagoj, për Olsën, për ty Olsa, për të të thënë që boll vazhdove me mashtrime siç bën gjithmonë, boll më zhyte mua në humnerë akoma më shumë se ç’më ke zhytur, qe vetëm shpirti im e di çfarë po heq, por s’ka gjë.
Ti më duket se e paske kujtesën e shkurtër Olsa, por nuk ka gjë, sepse ti kujtoj unë ca gjëra.
Ti i dije të gjitha, unë të kam kërkuar të dal që në dhjetor por ti më nxirrje mua 100 justfikime.
Unë dhe Andi kemi kërkuar që të dilnim nga programi të përputhur, të përplasur, të përleshur, vetëm që të dilnim nga aty sa më shpejt.
Pse moj Olsa, harrove ti, që për Vitin e Ri, unë kam qenë në Kosovë tek Bearti duke e festuar me familjen e tij edhe pas kësaj më keni kërkuar foto me Andin?
Më doje mua aty për përfitime ekonomike, për reklama të bizneseve, të cilat na kërkonin mua dhe Andin për takimet tona, për t’i reklamuar.
Ne nuk kemi marrë kokërr leku, madje kemi ardhur aty me shpenzimet tona, me kohën tonë, me transportin tonë, dhe ti na akuzon se ne bëmë biznes.
Na bëtë që të vazhdonim takimet derisa më në fund nuk pranuam, na nxorët.
Gjithsesi, boll u talle, mos vazhdo të tallesh më, se tek e fundit, edhe ne, njerëz jemi.”
https://youtu.be/GMjlCOOgv_Y
