Tre persona janë arrestuar në Durrës pas një konflikti që ka përfunduar me të shtëna me armë zjarri.
Në pranga kanë rënë 48-vjeçari Gentian Zeneli, 38-vjeçari Spiro Shore dhe 26-vjeçarja Jolanda Zeqiri.
Ndërkohë, dy persona të tjerë, Hamdi Llana dhe Klajdi Senko, janë shpallur në kërkim.
Njoftimi i policisë:
Salla operative e Drejtorisë Vendore të Policisë Durrës, ka marrë njoftim se në lagjen nr. 18, disa shtetas po konfliktoheshin me njëri – tjetrin dhe është qëlluar me armë zjarri. Pas marrjes së njoftimit, shërbimet e Policisë kanë shkuar menjëherë në adresën e dhënë me qëllim parandalimin e përshkallëzimit të konfliktit dhe arrestimin autorëve.
Shtetasit e përfshirë në konflikt të cilët dyshohet se kishin qëlluar me armë gjatë konfliktit, kur kanë konstatuar shërbimet e Policisë janë larguar me shpejtësi me një automjet, të cilët janë identifikuar dhe shpallur në kërkim dhe konkretisht shtetasit Hamdi Llana dhe Klajdi Senko.
Në vijim të veprimeve hetimore, janë vënë në pranga shtetasit: Gentian Zeneli., 48 vjeç, banues në Durrës, për veprën penale “Moskallëzimi i krimit”. Spiro Shore, 38 vjeç, banues në Durrës, për veprat penale “Veprime qe pengojnë zbulimin e se vërtetës” dhe Moskallëzimi i krimit”. Jolanda Zeqiri, 26 vjeçe, banuese në Durrës, për veprën penale “Veprime që pengojnë zbulimin e së vërtetës”.
Po nga veprimet ka rezultuar se shtetasit Hamdi Llana dhe Klajdi Senko, të cilët janë shpallur në kërkim, janë konfliktuar për motive të dobëta me shtetasin Gentian Zeneli, të cilin e kanë dëmtuar me sende të forta dhe gjatë konfliktit kanë qëlluar me armë zjarri në ajër për ta kanosur atë. Materialet procedurale i kaluan Prokurorisë Durrës, për veprime të mëtejshme.
