Më 26 Tetor, Kryeministri Edi Rama do t’i rikthehet takimeve me diasporën në Shtetet e Bashkuara, për t’u takuar me shqiptarët që jetojnë e punojnë prej vitesh atje.
Dega Manhattan e Vatrës ka bërë thirrje që në 26 tetor ora 11 në Nju Jork të presin me protestë takimin e kryeministrit Edi Rama dhe ministrit të tij për Diasporën, Taulant Balla, duke e quajtur takim me patronazhistët.
Vatra i bën thirrje shqiptarëve që jetojnë në SHBA t’i bashkohen protestës së tyre.
“Të dashur bashkatdhetarë, Dega Manhattan e Vatrës ju fton të bashkohemi në një protestë të fuqishme kundër atyre që kanë kontribuar në shpopullimin e Shqipërisë sonë të dashur. Koha për të ngritur zërin është tani. Ne nuk mund të bëjmë asnjë hap pas, është diaspora ajo që do ta udhëheqë këtë betejë për të mbrojtur të ardhmen e vendit tonë dhe për të ndaluar ikjen masive të shqiptarëve. Bashkohuni me ne. Bashkë jemi më të forte”, thuhet në njoftim.
