Leonard Zotaj, vëllai i Ervis Zotaj, më i madhi prej të rinjve që akuzohen për vrasjen e Drita Saliajt, ka lëshuar një deklaratë të fortë nga emisioni “Me zemër të hapur”.
Ai është shprehr se nëse vëllai i tij ka kryer krimin, ta vrasin dhe ta hedhin në rezervuarin ku u gjet e pajetë 50-vjeçarja Drita Saliaj.
“Kanë të drejtën e tyre të mos flasin me mua, kushdo që të jetë. Bëj dy thirrje vetëm, nëse vëllai im ka bërë ngjarjen, ta cojnë në Gjerbës të Mallakastër, që ta zotëria ta vrasë me dorën e tij dhe ta hedhë aty ku gjeti bashkëshorten”, tha Leonard Zotaj.
Ervis Zotaj gjithashtu dyshohet se ka përdhunuar 50-vjeçaren përpara se ajo të vritej.
Ky fakt është zbuluar nga dëshmia e Sindi Shehajt, njëri prej adoleshentëve të arrestuar.
Ndërkohë Hair Saliaj, bashkëshorti i viktimës, ka zbuluar detaje tronditëse lidhur me këtë histori.
Ai është shprehur se gruan e tij e kanë hedhur në një pusetë të vogël të rezervuarit dhe për ta bërë këtë gjë është dashur shumë forcë.
Besoj se nuk është hedhur në rezervuar, por në pusetë, që është e vogël, dhe falënderoj ata që nxorën trupin. Edhe për të kaluar për ta hedhur aty, është dashur forcë dhe jo 15-vjeçarë. Ne i kërkojmë drejtësisë dënimin maksimal për autorët, se është krimi më i rëndë jo vetëm në Shqipëri, por më gjerë”, deklaroi Hair Saliaj.
Më tej ai ka akuzuar drejtpërdrejt kushuririn e tij, Luis Saliaj, i cili është i arrestuar.
Përsa i përket familjeve të autorëve, Hair Saliaj është shprehur se do t’u qëndrojnë larg.
“Është e pavërtetë, që ai nuk ka marrë pjesë në përdhunim. Ai është kryesori që është përfshirë. Ai e ka mbajtur derën hapur, ai e ka hapur për çdo gjë. Lajmin e përdhunimit e mësuam vetëm nga mediat. Mund të mos jetë i vërtetë. Unë kam bërë deklaratë dhe në Policinë e Fierit, ne presim vetëm drejtësi. Me familjet e autorëve, larg. Nuk ndryshojmë qëndrim. Nuk kemi shkuar në Prokurori për të marrë detajet e hollësishme për krimin. Kemi dhënë dëshmi vetëm në polici.
