427 viktimat e regjistruara në 24 orët e fundit e kanë çuar numrin total në 3,405 të vdekur, duke bërë që Italia të renditet e para në rang botëror për numrin e të vdekurve, pasi në Kinë për 3 muaj u shënuan 3,245 viktima.
Ndërkohë deri tani, janë mbi 41,035 persona të infektuar.
Nuk ka fund tragjedia në Itali: Tashmë vendi me më shumë viktima nga COVID-19 në botë
Ditën e sotme, presidentja e Shoqatës së Spitaleve në Itali Simona Creazzola njoftoi se spitaleve italiane i është shfaqur një tjetër problem i madh, pasi sasia ilaçeve që ndihmojnë në lehtësimin e pasojave të Coronavirusit ka rënë ndjeshëm.
Përveç numrit të lartë të viktimave, Italia po përballet me një tjetër problem madhor
Nga një studim i kryer së fundmi nga Shërbimi Shëndetësor italian rezulton se 99 për qind e viktimave ishin pacientë me probleme të mëparshme shëndetësore.
Në 355 viktima vetëm tre, 0.8 për qind, nuk kishin pasur probleme të tjera shëndetësore përpara se të infektoheshin, ndërsa thuajse gjysma e tyre, 48.5 për qind, kishin tre ose më shumë probleme shëndetësore përpara se të diagnostikoheshin me COVID-19.
Sakaq, pjesa tjetër, 25.6 për qind kishin pasur disa patologji të tjera, ndërsa 25.1 për qind kishin pasur një të tillë.
Problemet me të zakonshme që janë hasur te viktimat gjatë këtij studimi përfshijnë tensionin e lartë, sëmundjet e zemrës dhe diabeti.
Gjithashtu rreth 76.1 për qind e pacientëve që humbën jetën kishin më parë probleme me presionin e lartë arterial; më shumë se një e treta, 35.5 për qind – kishin pasur diabet; ndërsa 33.0 për qind kishin vuajtur nga sëmundje ishemike e zemrës.
Edhe studime të mëparshme në Kinë kanë treguar se personat më të rrezikuar nga COVID-19 janë të moshuarit dhe personat që vuajnë nga sëmundjet kronike.
Në vendin tonë 450 mijë persona vuajnë nga sëmundjet kronike, gjë që i bën ata më të ekspozuar se të tjerët, ndërsa shifra zyrtare e pacientëve që trajtohen në mënyrë të vazhdueshme për probleme të ndryshme shëndetësore është 456, 290 pacientë.
Virusi që lindi në Kinë në fund të 2019, ka shkaktuar deri tani rreth 10, 000 viktima dhe ka infektuar mbi 241,000 persona në 177 shtete.
OBSH ka shpallur pandeminë, teksa epiqendra e virusit tashmë është zhvendosur në Europë, në një kohë kur Kina po rimerr veten dita-ditës dhe madje po ndihmon shtetet e tjera të prekura.
Qeveria shqiptare ka ndërmarrë një sërë masash për të parandaluar përhapjen e Coronavirusit, teksa është kufizuar qarkullimi i makinave dhe i këmbësorëve.
Gjithashtu ka nisur aplikimi i gjobave për ata që nuk respektojnë rregullat e vetëkarantinimit, kompanitë që nuk marrin masat ndaj Coronavirusit dhe tregtarët që rrisin çmimet në mënyrë abuzive.
