Sot nis zyrtarisht Matura Shtetërore 2025, ku rreth 27 mijë maturantë nga e gjithë Shqipëria do t’i nënshtrohen provimit të parë, atij të gjuhës së huaj.
Testimi fillon në orën 10:00 dhe zgjat 2 orë e 30 minuta.
Janë ngritur 145 qendra provimi, të organizuara me struktura të posaçme, çdo qendër ka një përgjegjës administrimi dhe administratorë të ndarë sipas klasave.
Më shumë se 640 mësues janë angazhuar për procesin e korrigjimit të testeve.
Provimet zhvillohen në shkolla që përmbushin të gjitha kushtet infrastrukturore të kërkuara nga Rregullorja e Maturës Shtetërore.
Një risi këtë vit është vendimi i Ministrisë së Arsimit dhe Sportit për të ofruar teste të personalizuara për nxënësit me aftësi të veçanta.
Pas provimit të sotëm, maturantët do të testohen në:
• Gjuhë Shqipe dhe Letërsi më 10 qershor
• Matematikë më 17 qershor
• Lëndë me zgjedhje më 24 qershor
