Kreu i Urgjencës Kombëtare, Skënder Brataj ka shuar shpresat për të gjithë personat e vaksinuar të cilët mendojnë se janë më të mbrojtur nga Covid-19.
Në një postim në rrejtin e tij social në Facebook, Brataj ka publikuar të dhënat e një studimi të British Medical Journal dhe shkruan se të infektuarit e vaksinuar dhe të pa vaksinuar me variantin Delta të koronavirusit kanë të njëjtën ngarkesë virale.
Sipas një studimi të publikuar nga Kreu i Urgjencës Kombëtare, vaksinimi mbetet një mbrojtës shumë i lartë, por nuk është mjaftueshëm për të ndaluar përhapjen e variantit ‘Delta’ dhe për rrjedhojë jemi të gjithë të rrezikuar.
Gjithashtu sqaron se të vaksinuarit gjatë stinës së verës luajnë një rol të rëndësishëm në përhapjen e varianit ‘Delta’ dhe duhet që të mbrohen ende duke mbajtur maska mbrojtëse në ambiente të mbyllura. Por pa harruar dhe faktin që vaksina siguron një mbrojtje të fortë ndaj sëmundjes.
Postimi i plotë:
Covid-19 dhe varianti Delta.
Të infektuarit e vaksinuar dhe të pa vaksinuar kanë të njëjtën ngarkesë virale.
Studimi i BMJ (British Medical Journal)
4 ago 2021
Përhapja e variantit Delta kërcënon strategjitë e vaksinimit që synojnë imunitetin e tufës kundër Sars-cov-2. Në fakt, e njëjta ngarkesë virale u zbulua midis personave të vaksinuar dhe të pavaksinuar, që infektohen me variantin Delta. Kjo theksohet nga një artikull i botuar në British Medical Journal (BMJ), në lidhje me të dhënat që dolën nga një shtim i numrit të infeksioneve në Massachusetts. Në thelb, vaksinimi mbetet mbrojtës shumë i lartë, por nuk është i mjaftueshëm për të ndaluar përhapjen e variantit delta.
Testet e kryera nga data 3 deri në 17 korrik midis banorëve të Massachusetts në Provincetoën, një vend i njohur pushimesh në Shtetet e Bashkuara, zbuluan se 75 % e njerëzve të infektuar ishin të vaksinuar. Midis të vaksinuarve dhe të pa vaksinuarve ngarkesa virale ishte e njëjtë. Ky zbulim sugjeron që të dy grupet kanë të njëjtën ngarkesë virale dhe përhapja e infeksionit është pothuajse e njëjtë nga të dy grupet ka paralajmëruar Qendra Amerikane për Kontrollin dhe Parandalimin e Sëmundjeve (CDC).
Rezultatet vërtetojnë se të vaksinuarit gjatë verës po luajnë një rol të rëndësishëm në përhapjen e infeksionit të variantit delta, prandaj CDC rekomandon që personat e vaksinuar të mbajnë maska në ambjente të mbyllura. Por CDC konfirmon se vaksina vazhdon të ofrojë mbrojtje të fortë kundër formave të rënda të sëmundjes. Nga 346 personat e vaksinuar që rezultuan pozitivë në epideminë e Provincetoën, 79% e tyre ishin simptomatikë dhe testi i gjenomës tregoi se 90% kishin variantin delta. Vlen për tu theksuar se vetëm katër të infektuar u shtruan në spital dhe nuk pati asnjë humbje jete.
Disa ditë më parë, profesor Anthony Fauci, konsulent i Presidentit amerikan Joe Biden, paralajmëroi se varianti Delta mund të shkaktojë të njëjtin nivel infektimi si te personat e vaksinuar dhe te ata të pavaksinuar.
Disa të dhëna nga rezultatet e testit të ngarkesës virale ishin marrë paraprakisht nga Ëashington Post, e cila u konsultua me epidemiologët e njohur në këtë fushë. Jeffrey Shaman, epidemiolog në Universitetin e Columbias, komenton se vaksinimi tani ka të bëjë me mbrojtjen personale, mbrojtjen nga format e rënda të sëmundjes. Imuniteti i tufës nuk është i rëndësishëm pasi po shohim dëshmi të shumta të infeksioneve edhe në të vaksinuar.
Drejtoresha e Qendrës për Kontrollin e Sëmundjeve (CDC), Rochelle Ëalensky deklaroi se, ky zbulim është shqetësues dhe ka qenë një faktor që ka çuar në udhëzimet e reja, që rekomandojnë përdorimin e maskave në ambiente të mbyllura edhe për personat e vaksinuar.
