Në muajin dhjetor ndodhi skandali i publikimit të pagave të 700 mijë shqiptarëve në një database që u shpërnda fillimisht në rrjetin social “Whats app”
Po pas disa javësh mesa duket hetimi ka rënë në gjurmët e personit që ka bërë të mundur publikimin e të dhënave, gjë që sigurisht është në kundërshtim me lígjin.
Prokùroria e Tiranës ka përgatitur një dosje për teknikun e IT-së tek Tatimet, i riu me inicialet A.A., i cili ishte punësuar në këtë pozicion në vitin 2013.
DOSJA:
Mësohet se shtetasi A.A. është transferuar formalisht si staf i AKSHI-t ashtu si çdo punonjës IT tjetër i punësuar pranë Ministrive të ndryshme. Edhe pse merrte rrogën nga AKSHI, A.A. vazhdonte funksionin e tij brenda zyrave në Drejtorinë e Përgjithshme të Tatimeve dhe pikërisht këtu polícia e koordinuar nga prokùroria e Tiranës sekuestroi kompjuterin e tij nga i cili nëpunësi i Tatimeve kishte shpërndarë database-n konfidenciale me të gjitha informacionet mbi rrogat e 650.000 shqiptarëve.
Sipas burimeve, dyshohet se ai i ka mbledhur të dhënat nga një kolege e tij tek Tatimet, e cila çdo muaj grumbullonte informacion mbi pagat e taksapaguesve shqiptarë për t’i shpërndarë në seli të ndryshme rajonale të Tatimeve.
Tekniku i akùzuar ka deklaruar gjatë marrjes në pyetje se i ka grumbulluar të dhënat për qëllime studimore, por polícia thotë se pretendimi i tij nuk ishte i vërtetë.
