Kryetari i Grupit Parlamentar të Partisë Socialiste, Taulant Balla i është përgjigjur Partisë Demokratike, lidhur me deklaratëne bërë pak më parë se PS përdorte të dhënat personale të marra nga e-Albania.Nëpërmjet një postimi në rrjetet socialeku deklaron se Partia Socialiste e ka databazën e saj të të dhënave të krijuar me vite të tëra organizimi dhe komunikimi derë më derë me njerëzit. Balla ndër të tjera ka thumbuar Partinë Demokratke duke i thënë se kjo punë bëhet me kontakte direkte jo me makina e flamuj.
“O shpifësa të dëshpëruar! Partia Socialiste ka databazën e saj të të dhënave të krijuar me vite të tëra organizimi dhe komunikimi derë më derë me njerëzit. Quhet punë në terren kjo dhe bëhet me kontakte direkte jo me makina e me flamunj, prandaj prisni me qetësi 25 prillin dhe mos kujtoni se sa më shumë makina e zhurmë rrugëve aq më shumë vota në kutinë ku vendoset e ardhmja!”, deklaron Balla.
Kujtojmë se Partia Demokratike deklaroi sot se Partia Socialiste ka përdorur të dhënat personale të qytetarëve shqiptarë. Ish-deputeti Enkelejd Alibeaj deklaroi se në mënyrë të paprecedentë, në Selinë e PS janë vendosur kompjutera dhe servera që përgjojnë dhe përdorin të dhënat personale të qytetarëve nga portali e-Albania.
Sipas tij, përdorimi i databazës së e-Albania nga Edi Rama dhe zyrtarë të PS-së përbën vepër penale. Për këtë, theksoi ai PD po përgatit një padi që do ta dorëzojë në SPAK.
