Teksa deputeti i Partisë Demokratike Gazment Bardhi shfaqi hapur ankesat se nuk kishte kuorum për votimin e 3 projektligjeve, Taulant Balla i ka kthyer një përgjigje.
Kreu i grupit parlamentar të PS-së u shpreh se ligjvënësit mund të ankimojnë nëse kanë ankesa.
Gjithashtu kreu i grupit parlamentar të PS-së, Taulant Balla nga jashtë Kuvendit deklaroi për mediat se nuk ka asnjë interes se çfarë vendimi do të marrë gjykata e Tiranës për çështjen e vulës së PD-së. Sipas Ballës Vendimi i Gjykatës Kushtetuese është i rëndësishëm dhe patjetër që duhet zbatuar me rigozitet, pavarësisht se favorizimi do të jetë vetëm për njërin grupim për Partisë Demokratikë, pra në këtë raste “lufta” është midis Berishës dhe Alibeajt.
“I fundit që i intereson se si del vendimi për PD në 3 mars, jam unë. S’kam asnjë lloj meraku. Po ja thonin njëri-tjetrin, që ‘fitoj unë!”. Ky vendim ka të bëjë me një presion që i bëjnë palëve. S’jam orakull. Vendimi i Gjykatës Kushtetuese është i rëndësishëm dhe duhet zbatuar. Janë vendime të formës së prerë. Mos u nxitoni kur bëni konstatime. S’ka asnjë vendim të Gjykatës Kushtetuese që nuk zbatohet. Pati dhe një ankesë nga deputetë të opozitës për kuorumin, por ka mundësi që të ankimosh”, tha Balla.
