Tragjedia e ndodhur në spitalin e Tetovës ku humbën jetën 14 persona ka ngjallur një varg dyshimesh në lidhje me rrethanat e ngjarjes. Disa qytetarë dhe banorë të Tetovës janë kthyer kundër kryeministrit Zaev duke hedhur akuza se mund të jetë përgjegjës për situatën që ndodhi.
Partia më e madhe opozitare në Maqedoninë e Veriut, VMRO-DPMNE ka reaguar ditën e sotme ku nuk ka ngurruar për të akuzuar kryeministrin Zaev dhe ministrin Venko Filipçe për situatën e tmerrshme që u krijua në spitalin COVID të Tetovës.
Sipas një deklarate thuhet se Zarv e Filipçe po fshihen ndërkohë që nuk ka ende vlerësim të saktë për tragjedinë në Tetovë.
Për VMRO-DPMNE, nuk dihen ende indikacionet fillestare të zjarrit teksa thonë se qytetarët e Tetovës janë të revoltuar me sjelljen e qeverisë.
Reagimi i plotë:
“Shprehim ngushëllimet tona më të thella për familjet e atyre që humbën jetën në tragjedinë e tmerrshme dhe urojmë shërim sa më të shpejtë për të gjithë të lënduarit nga katastrofa e tmerrshme. Në të njëjtën kohë, ne duam të theksojmë se është e rëndësishme që institucionet të hetojnë plotësisht shkaqet dhe të përcaktojnë përgjegjësi.
Duke kuptuar plotësisht revoltën e qytetarëve dhe banorëve të Tetovës, apelojmë në këto momente të vështira që ministri Venko Filipçe dhe kryeministrin Zoran Zaev të mos fshihen nga publiku dhe të dalin me të dhëna dhe vlerësime të sakta nga situata. 12 orë pas fatkeqësisë, indikacionet fillestare nuk dihen, as numri i sakt i viktimave”, thuhet në deklaratë.
