Mbrëmjen e sotme, studiuesi Erion Musabelliu ka shpjeguar me detaje si evoluon virusi COVID-19 duke kaluar sa në një qelizë në tjetrën, sa në një njeri në tjetrin.
Në një lidhje me “Skype”, në emisionin “Opinion”, Musabelliu u shpreh se virusi merr me vete një shtresë qelize të njeriut që infekton duke krijuar mutacione dhe kjo e egërson.
- Virusi kudo që lëviz, nga çdo organizëm që infekton merr me vete një strukturë.
- Kjo sjell strukturat e ndryshme të virusit, përveç thelbit që mbetet i pandryshueshëm.
- Nëse kalimi nga kafshë në njeri përsëritet shumë herë, atëherë shtohet numri i mutacioneve dhe virusi në cipën e tij nuk ka më pothuajse asnjë detaj të vetin, por çdo detaj është i qelizës humane.
- Kjo i krijon mundësinë virusit të bëhet më agresiv.
- Pas 7 ditësh nëse virusi qëndron gjatë në qelizë, aplikohet në atë sasi saqë në momentin që largohet nga qeliza, e vdes atë dhe kalon tek një tjetër.
- Qeliza e vdekur nuk ripërtërihet më, nuk rigjenerohet.
- Në çdo cikël mutacioni krijon pak imunitet, sepse imuniteti krijohet kur një person përballet në mënyrë të vazhdueshme me këtë virus.
- Individët që kanë arritur të kenë përmirësime janë ata që nuk i kanë patur qelizat e dëmtuara dhe janë rigjeneruar.
“Virusi nuk është i panjohur për shkencën. Specialistët e fushës së mbrojtjes së sëmundjeve kundër kafshëve, nuk e di se sa e njohin tek UBT-ja në Kamëz por në botë e njohin. Njihet për infeksionet që ka shkaktuar tek kafshët. Problemi qëndron tek mutacionet e virusit, ai kudo që lëviz, nga çdo organizëm që infekton merr me vete një strukturë. Kjo sjell strukturat e ndryshme të virusit, përveç thelbit që mbetet i pandryshueshëm. Nëse kalimi nga kafshë në njeri përsëritet shumë herë, atëherë shtohet numri i mutacioneve dhe virusi në cipën e tij nuk ka më pothuajse asnjë detaj të vetin, por çdo detaj është i qelizës humane. Kjo i krijon mundësinë virusit të bëhet më agresiv. Situata është e vështirë. Pas 7 ditësh nëse virusi qëndron gjatë në qelizë, aplikohet në atë sasi saqë në momentin që largohet nga qeliza, e vdes atë dhe kalon tek një tjetër. Dhe qeliza e vdekur nuk ripërtërihet më, nuk rigjenerohet. Kjo është provuar me viruse të tjera. Në çdo cikël mutacioni krijon pak imunitet, sepse imuniteti krijohet kur një person përballet në mënyrë të vazhdueshme me këtë virus. Individët që kanë arritur të kenë përmirësime janë ata që nuk i kanë patur qelizat e dëmtuara dhe janë rigjeneruar. Një tjetër rast që mund të marrim është kur virusi kalon vetëm një rreth të njohur me strukturë të përafërt. Psh. Popullata në Whan ka ngjashmëri me njëri-tjetrin nga ana genetike. Kjo është e provuar nga ana shkencore dhe të gjithë këta individë kanë mundësi të prodhojnë një sasi të ngjashme imunoglobulinës, ndërsa dikush tjetër që është shumë më larg nuk e ka këtë gjë, dhe virusi nuk ka nevojë për pashaportë. Fluturon dhe kalon në vendet e tjera, ku njerëzit nuk kanë filluar të krijojnë qelizat e para të imunoglobulinës,”- tha ai.
Në rang botëror deri tani Coronavirusi ka shkaktuar 16,121 viktima dhe 368,846 të infektuar në 162 shtete, teksa në vendin tone janë regjistruar 4 viktima dhe janë infektuar 104 persona, ndërsa në Kosovë numri i të infektuarve ka shkuar në 61 persona, sepse së fundmi janë regjistruar 26 raste të reja.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
