Është shtyrë për të tretën herë seanca ndaj ish-kryreprokurorit Adriatik Llala, për shkak se avokati i tij nuk ishte i pranishëm. Seanca e radhës do të vazhdojë në 9 shtator, për shkak se gjatë muajit gusht gjykata merr pushimet dhe çështja e Llallës nuk është urgjente. As vetë Llallla nuk ka qenë i pranishëm në sallë, ndërsa gjykata ka caktuar edhe një avokat, kryesisht për shkak të mungesës për të tretën herë të avoktatit që vetë ish-kryeprokurori kishte zgjedhur.
Në seancën e kaluar avokati mbrojtës nuk ishte gjithashtu i pranishëm dhe u gjobit për mungesën pa arsye.
Adriatik Llalla u dënua me 2 vite nga Gjykata e Posçme për Korrupsionin dhe Krimin e Organizuar. GJKKO vendosi gjithashtu sekuestrimin e pasurive të tij dhe e ndaloi të ushtronte ndonjë funksion publik për 5 vite.
Llalla u mor i pandehur nga SPAK pas hetimit që kishte nisur prej vitit 2018 nga prokuroria e Durrësit e më pas edhe ish-prokuroria e krimeve të rënda. Ai u shpall fajtor lidhur me fshehjen e shpenzimeve për familjarët e tij në Gjermani në vlerën e 7050 eurove, fshehjen e shpenzimeve për lindjen e djalit në Amerikë në vlerën e 7700 dollarëve si dhe shpenzimet për ndërtimin e katit të 3 të banesës së tij.
Po ashtu GJKKO vendosi konfiskimin dhe kalimin në favor të shtetit të tre sipërfaqeve të tokës me rreth 20000 metra katror dhe një apartament 67 metra katror në Durrës, të cilat ish-kryeprokurori nuk i justifikonte me burime të ligjshme.
